من حلم صغير إلى واقع ينبض بالنكهات الإيطالية الأصيلة. اكتشف كيف بنينا إمباستو ليكون وجهتك الأولى للتجربة الإيطالية الفاخرة في قلب الموصل.
المكان بمنطقة قريبة على جامعة الموصل، وحبينا هالمساحة لأن انطتنا الفرصة حتى نسوي تصميم يليق بمطعم إيطالي فاخر. الإطلالة والموقع كلش مميزين ومثاليين للتجربة الإيطالية، ووحدة من أحلامي چانت أفتح مطعم "إمباستو" بهالشارع، لأن رؤيتنا إله إنه شارع حيوي وقريب من الكل. وهنا راح يكون الوجهة للناس اللي يدورون تجربة إيطالية فاخرة، حيث يحتوي على جلسات خارجية تنطي إحساس خاص، وكل زاوية بالمكان صممناها بطريقة مستحيل تنساها.
أهم جزء وقلب "إمباستو" النابض هو "فرن النابوليتان الأصلي". بعد انتظار 6 أشهر كاملة حتى يتم نقله من تركيا للعراق، واجهنا تحديات وصعوبات هواي حتى يكون إله روح وتأثير بـ"إمباستو". وبعناية تشبه عناية الأم لطفلها، قدرنا نوصله لمكانه الصحيح بسلام.
أشعلنا أول شعلة، ونوّر قلب "إمباستو" كل أرجاء المكان، وفاحت ريحة الأكل الطيب من عمق تاريخ الحجر. بمهارة كادرنا، وبالصبر والدقة باختيار المكونات الإيطالية الأصلية والمقادير الصحيحة، طلعنا الأكل بأجمل شكل وأحلى طعم.
الاهتمام بالتفاصيل هو سر نجاحنا، بداية من اختيار الطابوق التراثي، ومروراً بالأرضية اللي تناسب طابع العراقة، وصولاً لاختيار الديكور اللي يعيشك أجواء إيطاليا وأنت بالعراق. كل هالتفاصيل راح تنقلك لعالم ثاني وتخليك تعيش تجربة "إمباستو" بكل تفاصيلها.
أخيراً، أضاء "إمباستو" كل الدنيا وأشعل حماس المغامرين وعشاق الطعم الأصيل. تلاقت الأضواء الدافئة مع ترتيبات الطعام الفاخرة لتخلق تجارب استثنائية مستحيل تنساها. بكل زاوية هادئة من زوايا المطعم، راح تحس بنبض الأنفاس الإيطالية الأصيلة، حتى تأخذك برحلة ساحرة تمزج بين روعة المكان وسحر اللحظة.